市場對IT人的需求，是你意想不到的多。
不論你是懂得寫WEB、寫APP、SHOP或是懂編程，幫人寫system，只要你話想做，自然會有人俾JOB你做。
當然，最後做得好不好，有沒有Project management，即能不能控住個客、收足錢，全身而退又係另外的話題。
就用我熟識的WEB ＋ SHOP 開發為例吧。我經常自稱我們是網上裝修師傅，專門為客人的網上店鋪裝修，又可以算是「物業管理」，因為要每天監控住客戶的網站，有甚麼意外例如中毒、死Server等事，要第一時間衝出來維修。
現時機乎每一間公司也要一個、甚至幾個網站，每個網站最少佔據一個programmer半個月的工作時間，絕對是求過於供的情況。
一個初入門的freelance程式員，只要拍住一些Marketing公司，或只接IT公司的工作，一接到一些較大型的項目，都會忙到沒有時間再接其他工作。
IT好景，年年加薪，老闆仲驚你唔做唔知搵邊個接手，自然吸引到好多年青人想入行。
但係，真係人人都可以入行做IT？
有些人認為，入行寫CODE 要有學歷，例如大學讀CS IT之類。
以我的經驗來看，如果你係想做freelance或者想開公司接JOB的話，其實唔駛。
反而，一套能顯示你個人實力的Portfolio遠比你的證書，乜CERT物CERT重要。
正所謂行家一出手便知有沒有，單看你的coding，就能了解你的level。
當然，我不是說學歷證書不重要，而是次要，即係先看作品，再看證書。
我當年入行時，見工就show我自己的作品，老闆會不斷問你背後的製作過程，來判斷我是否熟手。
IT 呢行日新月異，單純靠大學的書本知識根本不足夠，它只會為你帶一個很基本的concept，但係，如何編程、如何製作網站、如何fine tune，全是手藝。
如果新手入門，沒有Portfolio，怎樣辦？
我建議以下方法，首先你可以以低價或甚至義務幫你朋友做網站，可以增加經驗，同時你朋友應該會容易控制，唔會因為收咗人哋少少錢，就做成世奴隸的情況發生。
如果你連朋友都無，可以試著抄一些網站做練習作品。
入IT公司打工好，還是自立門戶freelance好？
我覺得沒有一個絕對的情況，坦白講，好多IT人都係公司一份人工，放假又做freelance job。
先前都講過，IT界人才十分缺乏，只要你識寫，就自然會有人approach你叫你幫手。
講開又講，如果一個freelancer 沒有project management的技巧，好大機會會爛尾收場。
入行做IT要乜性格？
我覺得首先是你要對新事物有好奇心，因為IT界日日出就嘢，如果只係諗住食老本，一年唔學新嘢就會out哂。
其次係要挨得悶，好多時你要debug就花你成日時間，長期望住個mon，唔係個個人都挨得住。
自學能力是第三個要求，如果你係乜嘢都要問下，自己唔識去Google吓先的，就不可以做IT工作。
自學寫網站，可以找到IT工入行嗎？
答案係：你必須要主要靠自學，才能入行做IT，我指係寫CODE 果批。
大學唔會教你寫CODE寫到可以應付客戶的要求。
客戶的要求次次不同，佢哋見到人地有乜，就要跟住有。
唯有你抱住一個自學的心態，每日去吸收新知識，先可以喺呢份長做長有。
如果我真係零㡳，又無在大學讀過IT，又無做過IT工，咁點入行？
我想再强調一次，大學讀IT，未必可以入行做到Programmer、寫Web寫APP，都要睇你自己性格而定。
坊間其實係有一D IT入行課程，專門俾零㡳的人做入行的第一步，但都係果句，日後的路都係靠自己行，課程只係幫你起步。
所謂萬事起難，與其盲模模上Youtube 睇片學，不如找個老師教你入行仲好。
課程方面我會推薦點止學嘢的「網頁製作證書」課程，呢個課程有持續進修基金，即係CEF資助，資助後學費都係二千幾蚊，上 12 堂，已經學咗製係WEBSITE、網上商店、
仲教你點樣跟住Designer 的稿起返個RWD web 出來！
對想初IT 入行嘅朋友仔來講，都算係唔錯的選擇！